政情：德成局長發炮 暗批立會拉布

平時寫文只會風花雪月嘅民政事務局局長曾德成，尋日突然喺網誌向立法會發炮，話政府向法援注資一億元嘅撥款，因為立法會拉布而趕唔切喺七月前通過，搞到撥款一事要拖到年尾至有機會通過，暗批立法會嘅立法程度太慢。德成局長以往畀人感覺係講嘢無乜重點，但一加入咗梁班子之後即刻變咗第二個人，作風勇悍過以前好多。睇嚟新班子、新作風唔係得個講字喎。