中環出更:黃楚標成疊金牛捐馬會

尋日沙田馬場舉行煞科賽,唔少久未露面嘅馬主都現身馬場碰吓運氣,希望贏番個尾彩。早排因曾蔭權租住其深圳東海花園物業而爆發一場風波嘅「深圳王」全國政協委員黃楚標,都有入場撐佢隻新馬「飛霹靂」。

卓妮見佢拎住成疊金牛走入投注站,落完一轉,與同行朋友傾咗兩句,又行返轉頭落多次注,真係豪。不過愛駒可能首次出賽經驗不足,最終四甲不入,成疊金牛捐晒畀馬會做善事。雖然係咁,黃楚標仍冇損心情,佢笑笑口話,月底將會飛蘇格蘭一周,打高爾夫球兼度假。同行波友係邊個?原來係前中策集團主席馬時亨。至於東海花園個單位現時有冇出租,黃楚標就封嘴唔講嘞。

卓妮

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報