雜物房變成宿舍，香港房屋協會被指管理不善！勵德邨居民曾太發現，邨榮樓三樓一間面積約三百呎的儲物室，近日經常有人進出，因室內設有床鋪，懷疑有人違反租約，以雜物房變成宿舍，「間房好似話有間舖頭租咗，最初只係擺貨，近排就見到入面有人擺咗張碌架床喺裏面瞓，成個住家咁！」
房協發言人表示，上址儲物室正租予商戶放置食材及日常營運物品，經了解後，證實商戶曾利用儲物室部分空間供員工休憩，已發信警告。發言人續稱，有關商戶已於近日清理儲物室所有不屬於業務營運的物品，如再發現有違規情況，將考慮終止租約。
「我相信今次係個別商戶嘅違規情況，但房協都要認真正視，加強同商戶間嘅合作同溝通，唔好搞到無王管！」當區區議員李文龍批評房協監管不善，認為有必要加強巡察，遇有違規即應嚴加執法。