九月立法會選舉港島區議席僧多粥少，排出選名單第二名嘅參選人根本好難贏到，所以好多競逐連任嘅現任議員多數排第一參選，唯獨大狀議員陳淑莊（Tanya）排名單第二，選情危危乎。問Tanya選唔到議員點算好，佢就好淡定叫大家唔使為佢擔心，事關佢已經有後路，唔怕無嘢做。
好多人都差啲唔記得Tanya老本行係大律師。佢就話，其實自己一直有執業，但由於無接太多生意，所以外界以為佢脫離咗法律界都唔奇，佢話就算無得做議員，都可以大律師身份服務市民，都係服務社會喎。Tanya仲講笑咁話，佢只係有機會做「陳七」，即係港島區以第七位當選，排最尾嗰席入立法會，睇嚟佢自己都信心不大。