泳池長租爆 月票冇水游

「唔係話唔租畀啲團體，但一個禮拜租成五日，真係太過分！」觀塘居民謝先生指區內不設室內游泳池，每次均專程往九龍公園室內游泳池暢泳，近日卻多次因該池被團體租用而撲空，「搞到我哋成日摸門釘，好心就唔好喺夏天最多人游水嘅日子借晒成個場出去啦！」除九龍公園室內游泳池外，黃大仙斧山泳池及九龍仔泳池亦同遭市民投訴「被租爆」。

九龍公園情況嚴重

本報翻查紀錄，發現九龍公園室內游泳池於整個六月份，共有十三日因例行清潔及租予團體作比賽用途而需全日或半日暫停開放，其中包括兩個周六及一個周日。該池全月共有九十三點五小時因被團體租用而關閉，六月四日至十日的暫停開放率更高逾六成，倘市民購買月票亦無法隨時使用。

泳池「租爆」，泳客經常摸門釘。

泳客心聲 Joanne（左）：「等咗幾個月終於等到維修完，今日特登嚟游室內池，點知嚟到先知冇得游，真係好失望！」

油尖旺區議會社區建設委員會主席許德亮指出，區內居民對泳池設施需求極大，近年經常接獲街坊投訴泳池長租而暫停開放，甚至出現「逼爆池」情況，當中又以正值泳季的七、八月情況最為嚴重。

謝先生：「我都係啱啱嚟到先知又閂咗，點估到佢租場得咁頻密㗎！」	放大圖片	在記者採訪當日，九龍公園室內池便因租予學校舉行水運會而暫停開放。

「我早兩日先去九龍公園泳池游水，好多條（泳）線都租晒畀團體，成個場爆晒棚，似去浸水多啲！」許德亮認為，康文署應檢討社區人士及團體之間的使用比例，以取其平衡。

康文署發言人表示，公眾泳池除供市民使用外，亦會讓體育總會、學校及團體租用以舉辦泳池訓練班及比賽，但每月會預留不少於百分之五十的主池可用時數予公眾人士使用，未來一兩年亦會有新泳館相繼落成，可望紓緩市民對泳池的需求。

亞運至今毫無改善

「泳池供不應求，好明顯反映香港唔夠運動設施，呢個問題一早喺亞運嗰陣已經講過，但係政府到依家都未處理！」立法會民政事務委員會委員陳淑莊認為，康文署審批租池申請時，應預留最少一個分池予公眾人士使用，並盡早通知市民有關泳池開放時間安排。陳又建議政府未來應多建泳池，以鼓勵「全民運動」。

記者：阮佩君