探射燈：一分錢一分貨 貪靚賠健康

時裝設計師張學潤表示，一對靚鞋能令整體造型生色不少，會有「畫龍點睛」的效果，故約五年前時裝界已開始推出愈來愈多的鞋款，而無跟鞋就是在兩年前由一歐洲名牌推出。張指，無跟鞋具有一定危險性，鞋身需要精準的力學和角度計算，令走路時保持平衡力，因此平價的山寨貨難有保證，「有時差一分就差一分」。

鬆糕鞋、船踭鞋、幼踭鞋，設計千變萬化，惟它們的鞋跟共同點是「有咁高得咁高」。不過，在張眼中，高並不等如美。「有啲女士着都行得唔靚，好似隻鴨咁！有啲又太重，好似踩住熨斗行！」他提醒，女士應注意自己的身形比例，矮小的就不要穿太重的鬆糕鞋，亦要注意走路姿勢，以體現美感。