港鐵被本報踢爆違規鋪設光纖勁賺二億元後，到依家都未交代會唔會向公眾回水。港鐵候任人力資源總監張少華尋日出席「大中華人才管理論壇」時，被記者追問違規鋪光纖事件，佢立即變身人肉錄音機，講咗三次「唔方便」而拒絕回答。記者惟有改問張少華負責嘅人力資源事務，問佢港鐵即將公布嘅加薪幅度高唔高，點知佢都係話「唔方便」，仲索性叫記者有乜嘢事就問公關喎。估唔到身為男人嘅佢都有唔方便嘅日子。
