香港嘅勞工假期有限，有立法會議員就要求政府增加勞工假期，但勞工及福利局局長張建宗就話本港僱員享有嘅有薪假期同新加坡並列第五，排名仲高過泰國、內地、澳門同菲律賓等地，已經算係唔錯喎。工黨李卓人即刻鬧佢講廢話，無誠意改善勞工福利。如果根據張建宗嘅邏輯，香港高官嘅人工已經高過好多其他地方，咁佢哋就唔應該再加人工，甚至要減人工呀！
