選舉事務處出信求其
楊小姐於六月五日接獲選舉事務處信件，要求楊於六月四日前交回補充資料文件，作為申請地方選舉選民之用，但信件下款日期卻為六月十八日，令楊摸不着頭腦，「個郵戳明明係六月四號，咁應該係選舉事務處掉轉咗個日期！咁簡單嘅嘢都錯得，真係求其！」
選舉事務處發言人承認，有關信件的正確簽發日期及回覆時限分別為六月四日及六月十八日，由於編印錯誤，兩個日期在信中錯調，引致誤會。發言人指，已就事件向收件人解釋並致歉，並提醒員工要確保簽發信件內容正確無誤。
「咁基本嘅嘢都搞錯，佢哋做嘢真係要打醒十二分精神！」楊不滿該處辦事疏忽，促盡快檢查其他信件是否存在其他錯漏，「好可能成批信都寫錯晒，應該快啲檢查！」