粒粒顯關懷 長者享溫飽

長者勞碌大半生,對社會貢獻良多,晚年理應享安樂茶飯。惟物價持續高企,不少清貧長者皆為三餐折騰。有見及此,東方日報慈善基金自九八年起舉辦「粒粒顯關懷」贈米計劃,每月透過慈善機構及長者屋向逾六千名長者送上白米。計劃十五年來從無間斷,全賴善長慷慨解囊,向受惠長者奉上無盡愛心。

「成世人都要做粗重嘢,慣咗要有飯落肚先夠力!」開朗健談的周三珠雖已年屆七十,卻仍聲如洪鐘,全因餐餐「有飯開」。無論年輕時靠耕種及勞動工作支撐生活、抑或退休後熱衷義工服務,米飯仍是周婆婆每天辛勞背後的原動力,數十年來從未改變。現時周婆婆靠綜援金維生,坦言贈米計劃可減輕不少生活負擔,「我一日三餐都要食飯,冇錢就要捱麵包,根本唔飽肚,所以真係幫補到好多㗎!」

「多謝《東方》咁有心」

至於七十七歲的馮美梨婆婆則指現時百物騰貴,即使「左慳右慳」亦難追上物價升幅,「家陣成日腳痛,想行遠啲買平餸都唔得,好彩每個月都有包米幫補吓!」自十一年前遷入康東邨長者住屋後,馮婆婆即受惠於贈米計劃,「一個膠杯仔就可以煮到兩碗飯,咁多年都一樣!」看着剛烹煮好的飯菜,馮婆婆一臉滿足之餘,亦不忘向善長表達謝意,「好多謝《東方》咁多年嚟咁有心,希望多啲善長繼續支持,就可以多啲人有米拎喇!」

康東邨長者住屋社監歐陽依文表示,該長者屋已受惠於贈米計劃多年,每月均見證着「老友記」取米一刻的喜悅,「佢哋大部分都拎綜援同獨居,所以一包米唔單只係畀到幾餐飽飯佢哋咁簡單,更加係代表社會對佢哋嘅關懷,好有意義!」

捐款編號:16333

記者 何穎賢

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報