鄉議局尋日舉行回歸紀念酒會，過去同新界鄉紳有好多牙齒印嘅林鄭月娥，就首次以政務司司長身份出席酒會，仲釋出善意話要加強同鄉議局嘅溝通合作，致力發展新界，為居民謀福祉，並保留新界嘅傳統文化。不過，鄉議局主席劉皇發就似乎起晒弶，借國家主席來港發表嘅言論向林鄭施壓，要政府維護新界原居民嘅合法傳統權益，莫非發叔擔心將來政府真係會取消丁權？
