佢可能係幼稚 將手機當手槍
貪曾卸任後，行為亦變得小器、反智。前日貪曾多番企圖撇甩記者失敗後，黔驢技窮，竟不顧卸任特首形象，用手機反拍記者。有心理學家形容曾行為幼稚，試圖以反拍記者宣洩抑壓多時的怨氣。
面對傳媒追訪，卸任後的貪曾顯得不耐煩，前晚由酒店至機場短短廿五分鐘行程，多番舉起手機反拍記者。座駕在灣仔軍器廠街等候轉燈時，貪曾眼見記者緊隨，已面露不悅之色，索性舉起手機，整個人向後挨向身邊的曾妻，拗腰「攞位」反拍車外記者；在三號幹線及昂船洲大橋飛馳期間，貪曾再多次拍攝車外駕駛電單車的記者。
控制唔到不滿情緒
「佢可能係幼稚，將手機當手槍！」一片天情緒輔導及教育中心總幹事李穎思分析，曾蔭權覺得追訪是一個威脅，很想防衞及還擊，但手上只有手機，惟有將手機當作報復的「武器」：「佢敢怒不敢言，好似細路仔咁，控制唔到自己不滿情緒，佢以為影記者，就可以喺呢場追蹤上贏番一仗，完全無諗到自己嘅社會身份同地位。」
本報記者