食署「苛政」 累果販被竊荔枝
【本報訊】食環署「苛政」，疑累水果檔被偷荔枝。旺角一個水果檔，每朝供應商均會在其開檔前，將送來的水果擺放門外，昨晨賊人疑見「就手」，卅分鐘內兩度踩線，用手推車偷走三籮「糯米糍」荔枝，總值約二千四百元。惟犯案「實錄」全被鄰舖閉路電視拍下，警方正憑片段追緝賊人歸案。女檔主對失竊非常「勞氣」，鬧爆食環署「唔畀人用鐵鏈鎖住，又唔畀人落圍板。」
現場廣東道一○六六號對開，兩個相連的水果攤檔。昨晨近四時，姓蘇（五十歲）男子如常將八籮荔枝送抵水果檔，以膠袋及木板蓋好，擺放門外。約兩小時後，姓陳女檔主返抵，赫見膠袋被掀開，部分荔枝不翼而飛，立即通知蘇返抵及報警。點算後，證實失去三籮荔枝，每籮約重六十斤。警員到場後在附近兜截賊人無果，列盜竊案處理。
陳其後查看隔鄰藥房門口的閉路電視，發現在蘇離去後，一名年約五十歲，身穿格仔衫牛仔褲，不良於行男子，曾在店外徘徊，逗留一會後離開。未幾，男子再度折返，四處張望後再偷食荔枝。約十分鐘後，他更推來手推車，將三籮荔枝搬走，整個犯案過程前後僅約半小時。
「唔畀鐵鏈鎖住」
陳表示過往亦常有貨物失竊，並多集中在清晨時間。被問及會否加強保安時，她卻氣結地指：「點搞呀？食環署都唔畀人用鐵鏈鎖住，又唔畀人落圍板，可以點吖？」