工聯會王國興出名識搞噱頭，尋日佢又喺財務委員會以妙論寄語下屆政府官員，希望官員好似小草一樣，要任由人民踐踏，又要好似青竹咁不屈不撓，最重要係要似足蓮花，出於污泥而不染喎。不過，聽真啲佢番話有啲問題，話要高官任由市民踐踏，咪即係預期啲高官做得唔好囉？至於話「出於污泥而不染」就仲弊，話啲官出於污泥喎，王國興今次真係老貓燒鬚喇。
