非法晾曬 部門鬥卸責
近日陰晴不定，每逢出現陽光，長沙灣海麗邨總會出現一片「衫海」。每日接送孩子上學的楊先生坦言情景不堪入目，「係咁晾晒啲底衫褲出嚟，真係好肉酸又唔合衞生，細路仔見到都尷尬！」楊指非法晾曬情況嚴重，甚至有人會拉起繩索，阻擋行人去路，學童被迫走出馬路時更險象環生。
當區區議員黃智勇承認曾接獲不少居民與學校投訴非法晾曬問題，「呢個問題搞咗好耐，可惜部門嘅做法太官僚，一過咗界房署就唔理，要通知路政署；食環署又話唔可以即時處理，結果就由路政署放個桶喺度，再由食環署去收啲衫丟入去，仲要等三個鐘，冇人認領先會當垃圾運走！」黃指做法毫無阻嚇力，不少居民檢回衣物事後又再到處晾曬。
房署發言人表示，並未發現有住戶在邨內固定位置持續違規晾曬衣物，但承認有住戶投訴海麗街有非法晾曬情況，由於該地點非房署範圍，已轉介相關部門跟進。發言人說，根據「屋邨管理扣分制」，住戶再度違規將被扣三分。