貪曾日前出席任內最後一次立法會答問大會，依然厚顏無恥話自己上台七年，所作出百多項施政承諾大部分已落實，真係唔該佢學識寫個「醜」字啦。喂，曾爵士，你做咗七年行政長官，一係做離岸特首，狂住總統套房，唔離岸，就走入權貴，遠離市民……如此失德失責，如果你真懂懺悔反省，不是有負市民、有負中央嗎？
錢穆說，中國的學問傳統有三個系統：人統、事統、學統。置於首位的「人統」，就是尊德性。尊德性，無非學做人，做個有理想有價值的人。《論語》說：晏平仲善與人交，久而敬之。《論語》雖沒有說晏平仲何以能使人久而敬之，依老朽推測，能令人久而敬之，無非行忠恕之道而已！
貪曾的忠恕之道，從其臥港七年，只善與富豪交往，而不善與市民大眾交流，「福為民開」全是廢噏！其所奉行的全違反道德規律：嚴以責人，寬以待己。如此施政，香港又怎會有明天！本報「正論」為佢蓋棺論定：七年四大皆空，香港淪為空港。而佢嘅下台身影，就算建制派一眾群丑為佢護航到最後一秒，貪曾依然難擺脫「只剩罵名嘆奈何」！
建制派群丑護貪曾，老朽想起余光中詩人說他的《鄉愁》這首詩，原是淡淡的哀愁，但看到大陸演員朗誦時，總是激動，甚至淒厲，有樣板戲的風味，令他很難為情。今見建制派群丑護貪曾，同樣淒厲，香港有啲咁嘅代議士，老朽不但難為情，更拍枱怒罵，唸唸有詞（下刪六百七十字）！