政府尋日公布，鬍鬚曾今日啟程前往墨西哥，出席俗稱G20嘅二十國集團領導人峰會，並會順道同墨西哥簽訂全面性避免雙重徵稅協定，下周二至返港。作為香港嘅主要財金官員，出席呢個重要會議都係無可厚非，但貪曾四月至豪遊完南美，如今隔唔夠兩個月，佢嘅好兄弟又飛去中美洲，係咪飛得密得滯呢？如果將貪曾嘅四月之行，留番畀鬍鬚曾今次一次過搞埋，咪可以省番好多公帑囉。
今次鬍鬚曾喺墨西哥嘅住宿費，估計係由東道主承擔，但唔知佢會唔會好似貪曾咁樣，人哋請兩晚，自己用公帑升級再瞓多晚，以體現「香港國際地位」。我哋問過財政司司長辦公室今次外訪嘅具體機票同住宿安排，到截稿前都冇回覆，唔通有不可告人嘅秘密？