貪曾多次濫用公帑豪華外訪，惹來公眾批評，署理政務司司長孫明揚尋日喺立法會上都唔敢再盲撐貪曾，聲言當局對市民嘅批評表示理解同尊重，又話回頭睇番喺安排外訪住宿過程中，當局係缺乏敏感度，無深入分析同比較住宿嘅價錢。
不過，當孫公回應議員要求貪曾回水時，又話難以翻查同計算每次外訪嘅開支，亦無客觀嘅回水標準喎。如果係咁，唔怪得貪曾外訪食過翻尋味，貪完一次又一次喇！
