渡海濠情：男友愛睇波 囡囡節目多
歐國盃大戰連場，相信唔少球迷晚晚都守住電視機嘅前面，留意住心水球隊嘅表現，睇嚟身邊嘅女朋友亦都要被打落冷宮。嚟自澳門打令1浴室嘅瑩瑩，佢話只要自己識得靈活變通，呢個時候正係冇王管嘅歡樂時光。
做埋主動
瑩瑩話：「以前啲男朋友一有大型球賽舉行，佢哋就會日以繼夜咁睇波，呢段期間理都唔理你，就算走上佢屋企做埋主動，佢哋都會交唔足功課，總知就令人洩氣，所以以後每逢有大賽，一於佢有佢睇波，我有我嘅節目。」呢段時間有乜嘢好節目呢？瑩瑩話：「單係約啲姐妹出嚟，就有大把人陪玩，事關佢哋啲男朋友，着咗九成都係掛住睇波，冷落晒佢哋，所以一約佢哋，就會拿拿臨出嚟見面，加上去唱K或者D場都實有位，成班女仔嚟幫襯，優惠都多啲。」
各有各玩
真係諗得周到，但晚晚夜蒲，唔怕啲男朋友乘機作反咩？瑩瑩話：「我哋當然要事前Check晒賽程表，打埋電話畀佢啲老友，知道今晚會去邊個屋企睇波，仲要打電話Check埋場波打成點，如果佢講出幾比幾，邊個球員表現最好，邊個表現最差，咁就證明係睇緊波，當賽事一完，我哋姐妹嘅聚會，亦同時結束，齊齊返屋企交人，咁就唔怕出事啦！而且各有各玩，佢睇波都睇得開心啲，我哋又可以成班姐妹Happy吓，真係最好不過，所以我不知幾想有多啲大型比賽，咁就大家都開心啦！」
瑩瑩Profile
年齡：20歲
三圍：33-24-34
撰文：小德 攝影：阿昌