1.7億元天橋慢工出裂紋
路政署於○九年三月耗資一億七千萬元，在荃灣沿大河道建造一條闊三米、長約六百米的有蓋行人天橋，惟接近竣工階段才發現部分連接位有裂紋，至今仍啟用無期。朱先生不滿施工質素差，「起咗成幾年都仲未用得，點解政府做親嘢都咁慢？」
路政署發言人承認，有關行人天橋已大致建成，原定今年五月啟用，最近驗收時發現部分天橋連接位有細微裂紋，需作修補。但對於天橋實質啟用日期，發言人仍未能確切回覆，僅稱會安排為整條天橋作詳細測試，並視乎測試結果才作定奪。
「點可能到最後驗收階段先發現條橋有問題，好明顯路政署喺呢幾年完全冇巡過，冇做好監督工程，唔係失職係乜？」荃灣區議員羅少傑直斥路政署對工程監管不力，要求積極跟進，確保盡快為市民提供安全的行人設施。