傾斜權貴孫明揚離任也須問責
【本報訊】國際學校獲得種種優惠，背後除了貪曾發功外，教育局局長孫明揚亦「功不可沒」。哈羅由批地至免息貸款申請，都是由教育局一手統籌，有學者直斥孫明揚任內，政策一直向權貴傾斜，由直資學校至國際學校的處理方法都備受外間非議，雖然離任在即，但都應該向市民交代哈羅整個審批程序，不能將市民蒙在鼓裏。
基層子女更難搵學位
香港城市大學專業持續進修學院學術統籌宋立功指出，孫明揚今次處理哈羅事件中，明顯欠缺政治觸覺，事關由選址、批地，甚至免息貸款等方案上，完全沒有進行公眾諮詢。「香港地少人多，土地係好矜貴嘅資源，點解咁慷慨將佢咁容易就批出去，當中仲有幾多條款係公眾唔知，成件事毫無透明度。」他認為孫明揚在任教育局多年，處事手法明顯向權貴傾斜。「唔止國際學校，好似本地嘅直資學校一樣，政府畀咗咁多資源，但就任由學校揀學生，監管又疏鬆，結果基層市民子女想搵個學位都難。」
孫明揚任期只餘不足一個月，不過離任之前卻留下不少爛攤子給下屆特區政府處理。「究竟教科書問題依家點收科，仲有電子教科書又搞成點，到依家都未有落實方案，我諗未來五至七年香港家長都要為呢樣嘢而煩。」