曾蔭權嘅貪腐行為，影衰香港人。尋日開始有教育界開聲，話貪曾應該辭職及扣薪，仲話唔准佢出席教育界嘅活動，費事佢整污糟教育界高尚奉獻嘅美名，佢哋又建議將曾蔭權嘅劣行，列入德育教材。其實搞公民教育都係想我哋嘅年輕一代關心社會，唔好同社會脫節啫，所以貪曾嘅行為當然要列為教材喇，等我哋未來嘅主人翁早啲認識，唔好習非成是，以為佢係特首，就一定做得啱。畀佢哋知道，特首做錯咗，都一定會受到懲罰。
