渡海濠情：囡囡搵工 小心陷阱
好快又到放暑假嘅時間，好多學生哥一放暑假，就會忘形狂歡，但亦有人選擇做暑期工，一來可以吸收社會經驗，二來又可以賺多兩個零用錢，但世途險惡，喺搵工時真係要小心，嚟自利澳水療嘅靚女嘉欣，就話自己有過唔愉快嘅經歷。
財色兼失
嘉欣話：「我有個朋友就因為心急想搵暑期工，點知遇上壞人，最後仲被個衰人騙財又騙色。」咁你有冇同樣嘅遭遇呀？嘉欣笑笑口話：「我比較懶，所以冇做過暑期工，但到我畢業後出嚟做嘢，就差啲被人呃咗！」點呃呀？嘉欣話：「我行行吓街，點知有個靚仔話我好上鏡，仲話有套電視劇好適合我做主角，於是跟咗佢上公司了解一下，上到去有個老總見我，話我係新人，好多嘢都唔識，想拍電視劇，就要接受培訓，兩個月嘅課程就要交萬二蚊，我啱啱至中學畢業，邊度有咁多錢喎！」
被騙上房
嘉欣繼續：「個老總話冇錢都得，就要搵老闆贊助，之後仲幫我約老闆見面，去到酒吧，由於太嘈，老闆話佢喺樓上開咗間房，叫我上去慢慢傾，我幾傻呀！真係跟咗佢上房，一入房個老闆就飛擒大咬，撲埋嚟想剝我光豬，好彩我機警，叫佢先沖涼，我至有機會甩身咋，但據講唔知有幾多女仔，畀佢哋呃咗，所以我同阿媽講，真係世途險惡，出面有好多壞人，跟住足足有兩年唔使我出去搵工做。」有冇乜嘢忠告提示吓啲小妹妹呢？嘉欣話：「都係嗰句便宜莫貪，小心使得萬年船囉。」真係至理名言。
嘉欣Profile
年齡：22歲
三圍：34-24-35
撰文：小德 攝影：阿昌