職工盟尋日搞茶敍介紹新一屆執委同秘書處主要職員，身兼職工盟秘書長嘅阿人就希望未來三年能夠將依家十七萬幾會員數目再提升，爭取調高最低工資、設立標準工時同集體談判權等，但最重要就係籌錢改善工會財政咁話，今晚六四燭光晚會就會賣衫籌款喇。
立法會選舉在即，野心勃勃嘅工聯會早排就話要籌二千萬選舉經費，阿人就承認工黨雖然唔似對手咁有區議員做樁腳，但就有職工盟做樁腳，幫手動員籌款同組織義工，逐蚊逐蚊去爭取，相信能夠有工聯會一成嘅籌款成績已經好好，佢仲話已經同有意參選嘅黨員講明，可能最後都要自己啃一啲經費，自己畀啲錢去出選。