打尖獨賞畢加索 盡享特權

《畢加索珍品展》展出藝術大師畢加索五十五件畫作及雕塑，展覽自上月中揭幕以來大獲好評，本月大部分日子更錄得全場爆滿，買不到門票的市民只好望門興嘆。畢加索展覽入場券一票難求，但曾蔭權竟能在上月廿六日早上九時獲文化博物館特別安排他進內參觀，館內職員及保安人員須提早上班，以便護衞曾蔭權逐一細看大師作品。

市民心聲 甄先生（左）及陳小姐（右）：「好唔公平囉！我哋今日嚟買唔到飛，點解個館唔開特別場畀市民呀？佢（曾蔭權）嚟就有特別場，外訪又可以任住總統套房，有無搞錯呀！」	黎氏一家：「如果佢唔想搞到市民，咪等VIP場先入去囉。使唔使咁勞師動眾，加開個特別場畀自己一個睇先？如果佢唔係用特首身份，咁即係一個普通市民，憑乜嘢唔使畀錢買飛呀！」	卓先生（左）及嚴小姐（右）：「如果話佢同成班高官嚟我都可以接受，當係支持個展覽，不過一個人嚟，要人哋加開特別場招呼就唔同喇，畀市民覺得做咗特首做乜都得，我覺得佢操守好有問題！」

任意妄為乞人憎

康樂及文化事務署表示，曾蔭權原本打算當日早上進場參觀，但為免對公眾人士造成不便，博物館於是建議曾蔭權在開館前到訪，期間由博物館總館長黃秀蘭接待。發言人解釋館內因正在進行準備開館等工作，故特首到訪不涉及額外開支，又指署方素來歡迎議員及官員了解署方文娛活動，強調豁免收費乃一貫做法。

工黨立法會議員何秀蘭狠批曾蔭權「打尖」參觀的劣行不能接受，炮轟特首不應恃有特權任意妄為：「好心你身為特首就守吓規矩啦，排個隊有幾難？」何秀蘭直斥曾蔭權應該盡快引咎辭職，又指任期尚餘不足一個月不應是曾蔭權拒絕辭職的原因：「做人應該有啲廉恥，唔應該等人彈劾咗你之後先決定走唔走。」她相信即使由政務司司長林瑞麟接任特首一職，亦不會有太大問題。