北角丹拿道店舖多僭建
「呢條街嘅舖頭僭建得好過分，凸咗起碼兩呎出嚟，成三分一條行人路都畀佢哋霸咗！」張小姐指北角丹拿道多間店舖非法擴展營業範圍多年，屢次向屋宇署投訴，對方一直以「拖字訣」作回應，「投訴過好多人，佢哋（屋宇署）都話冇即時危險，暫時唔處理就算數，咁咪即係縱容！」
當區區議員李汝大亦表示，有關商店於上址已經營近十年，「屋宇署完全冇巡過，我諗佢哋唔係收到市民投訴，都唔會知道呢度有僭建！」李直指屋宇署後知後覺，要求該署積極打擊違規僭建。
屋宇署發言人則證實，上址有商舖違例擴展舖面，且擴展規模過大，根據現行處理僭建物執法政策，有關擴建屬於須優先取締類別，已向有關商舖業主發出法定命令，着令清拆有關違例擴展部分。