中環出更：張桂蘭關注內地留守童
內地幅員廣大，好多農村人口到沿海發達城市打工，結婚生子後，將小朋友交畀農村嘅父母照顧，小朋友長期缺乏父母關愛，形成咗具有中國特色嘅留守兒童問題。一向關注文化教育慈善事業嘅張學良基金會，日前喺深港兩地舉行「關愛留守兒童，支持『愛心支教』活動」，希望引起更多人關注，齊齊為留守兒童送暖。
籲到山區短期施教
張學良基金會會長張桂蘭話，留守兒童嘅問題牽涉廣泛，由於打工仔父母牽掛小朋友，唔能夠安心打工，所以好多外商呻招工難。基金會響應「愛心支教」，鼓勵接受良好教育嘅志願者到偏遠山區短期施教，與留守兒童交流溝通，令佢哋感受社會嘅進步及時代嘅氣息，喚起佢哋求知嘅渴望，可以更加樂觀面對艱辛與困苦。
有關活動同時幫助留守兒童樹立積極嘅人生觀、價值觀，為佢哋打開一扇窗，以了解外面嘅世界。今次活動後仲舉辦一場歌舞音樂晚會，得到中港兩地商界、學界及慈善團體踴躍支持。