Samson尋日喺立法會資訊科技及廣播事務委員會上呻話，現時負責IT政策嘅政策局，個名連科技兩個字都無，可知政府對IT政策嘅重視程度。不過，無名無分唔緊要，最令人傷心嘅係遭人冷落。Samson忽然有感而發話，Greg蘇喺過去半年都無乜理過佢，又話如果架構重組唔可以喺七一前通過，即係話要佢對多Greg蘇半年喎。
佢又擔心，到時Greg蘇知道只係要搞多IT政策半年，極有理由會變本加厲繼續冷落佢。簡單啲嚟講，Samson支持改組嘅理由好簡單，唔係怕香港會癱瘓，而係怕Greg蘇冷待IT嘅政策會得以延續，一句講晒，就係唔想見到Greg蘇囉！