體育館水箱壞一個月 康文署延誤維修
「漏咗成個月都冇人去整，都唔知嘥咗幾多水！」關先生每日早上均會路經天水圍體育館，數月前已發現館內經常漏水，令行人路常有積水，不但影響途人出入，更有浪費用水之嫌，要求康樂及文化事務署盡快處理漏水問題。
康文署發言人證實，接獲本報轉介後到現場視察，以及通知建築署派員檢查，發現淡水水箱浮波未能正常運作，導致水位在晚間因體育館停止運作而提升，過量的水經外牆排水管排出。
發言人指水箱現已修妥，並承諾日後會加強體育館水泵房檢查及維修工作。
「咁耐都發現唔到漏水，要收到投訴先知，咁就嘥咗成個月水！」元朗區議員黃卓健批評康文署未有及時糾正問題，警覺性奇低，認為政府呼籲市民節約用水及防止蚊患的同時亦應以身作則，避免漏水事件再次發生。