多個的士商會以成本上升為由，向政府申請提高全港的士嘅起錶收費，但部分的士司機團體質疑咁做只會益咗啲車主，對租車嘅司機全無好處，反建議效法外國批准佢哋徵收燃氣附加費，並獲多個政黨支持。不過，運輸及房屋局副局長邱誠武尋日就喺立法會上話，徵收燃氣附加費涉及修改法例，容易引起混淆，要小心研究喎，擺明又係怕麻煩唔肯做嘢啦，唔怪得佢做咗五年副局長都仍然一事無成喇！
