渡海濠情:裸男寫真 囡囡最冧

有富商愛收集裸男照片,原來呢味嘢唔只佢喜歡,嚟自極品桑拿嘅飛燕,都收藏咗唔少珍品,佢仲話呢啲照片,不知付出咗幾多代價至換取返嚟,所以全部入晒相簿,仲用個有鎖嘅櫃,將佢哋鎖好。

沙灘獵艷

唔知當中有冇一啲知名人士呢?飛燕話:「呢層當然有啦,三唔識七,阿豬阿狗又叫佢剝衫影相咩,梗係要啲明星名人至有珍藏價值。」唔通飛燕學富豪咁用銀彈政策?飛燕話:「我有咁多錢就好,可惜冇,於是就用最原始嘅方法,就係等啲偶像去沙灘游水時,攞部相機去影個夠皮。」但香港咁多沙灘,你又知佢哋喺邊度出沒?飛燕話:「呢度就係難度所在,於是我喺幾個沙灘熱點,布下天羅地網,等有名人一出現,佢哋就會第一時間通知我,我就可以衝去現場把珍貴一刻留下。」

天羅地網

咁飛燕嘅線眼,究竟係乜嘢人呢?飛燕話:「咪係啲救生員囉!佢哋日日都要喺度開工,主要工作就係瞄住啲人,所以有乜嘢明星嚟佢哋一定知道,然後一個電話,我馬上就到。」啲救生員又會聽你支笛嘅?飛燕話:「我識得搞掂佢支笛,佢咪會聽我支笛囉!而且我嘅珍藏中,唔少都係救生員嘅寫真,佢哋黑黑實實又周身肌肉,諗起都令人衝動,所以識得愈多救生員男朋友,愈着數呀!」難怪飛燕話要付出好大代價,香港咁多沙灘,每個沙灘識一個男友,真係吹笛都吹到嘴軟呀!

飛燕Profile

年齡:22歲

三圍:33、23、35

撰文:小德

攝影:阿生