旅館雜物塞梯間無人理
走火通道應長期保持暢通無阻，但李小姐（化名）卻發現上環有旅館梯間擺放大量床單等雜物，「有咩事就要靠條樓梯救命，擺咗咁多雜物阻住晒，萬一真係火燭就真係可大可小！」李不滿當局作恒常巡查，對違規情況視而不見。
民政事務總署發言人指出，轄下牌照事務處早前曾接獲消防處轉介有關個案，經派員調查後，發現上址梯間放置小量雜物，已即時要求處所負責人糾正，保持走火通道暢通。另外，當局亦已向有關旅館持牌人發信警告，提醒須注意及遵守相關牌照發牌條件，牌照處會繼續跟進。
「唔好成日都等出咗事先做嘢，政府部門平時要睇緊啲先至得！」李小姐希望消防處加強監管並採取突擊巡查，了解及跟進處理有關情況。