領匯商場「行電梯」三個月

居於藍田的鄧先生每天均會取道平田商場以乘搭公共交通工具上班，數月前已發現其中一條扶手電梯停止運作，但一直未有啟動維修工程，電梯旁亦無告示解釋損壞原因，「到底係因咩壞、幾時整番好，領匯一句交代都冇，加租就大條道理！」鄧不滿領匯管理質素每況愈下，要求就設施損壞久未維修作合理交代。

多個屋苑居民必經路

「條電梯一壞就壞咗兩個幾三個月，我哋幾條邨好多人都靠佢出入搭車、返工同買餸，尤其啲老人家要喺電梯撐上撐落，真係好牙煙！」居民陸女士亦指有關扶手電梯為多個屋苑居民出入必經之路，商場雖設有一部升降機，惟僅屬貨(車立)，只能「有得睇冇得搭」。

領匯於「壞梯」旁作簡單告示，卻未交代事件，做法不負責任。

姚柏良指平田商場扶手電梯壞近三個月，居民怨聲載道。

當區區議員姚柏良指出，平田商場連接平田邨、廣田邨、康雅苑及康栢苑多個屋苑，扶手電梯損壞後久未維修，令居民怨聲載道，「每日至少有一半嘅藍田居民會用呢條扶手電梯出入，領匯拖成三個月都未整完，完全唔負責任，冇考慮到居民嘅利益！」姚要求領匯就事件檢討，防止同類事件再次發生，「嗰度有好多老人家同小朋友出入，如果一個唔小心喺電梯級跌親就大件事！」

商場僅設一部只供上落貨使用的貨(車立)，令人貨「爭(車立)」情況不時出現。	葉先生	黃女士

領匯發言人承認，上址其中一條扶手電梯因部分梯級損壞，經機電工程師審查後需即時停止運作及更換梯級，鑑於訂購損壞零件需時，預計維修工程於今年六月上旬才能完成。發言人又稱，現已督促駐場保安，須協助長者或有需要人士使用貨(車立)上落，並指有關安排已透過場內通告通知顧客。

「整條電梯都要用差唔多三個月，有冇離奇啲？」領匯監察主席陳寶瑩狠批領匯「利字當頭」，租金不斷提升同時卻未有提供相應服務。陳寶瑩又指，領匯投放於維修的費用正逐年遞減，懷疑衍生將貨就價問題，一旦選用次等用料，商場設施將頻頻損壞，要求領匯提升服務質素，以盡企業社會責任。

居民吐苦水

葉先生：「領匯租就識得加，整條電梯就慢吞吞！」

黃女士：「條電梯壞咁耐都未整，真係好唔方便。」

記者：伍思明