地政總署依法辦事，連日派人到元朗大棠荔枝山莊清拆違例構建物，連鄉議局高層都只好配合清拆行動。不過，鄉議局副主席林偉強尋日就喺電台節目上，大讚政府拆除荔枝山莊違例構建物有效率，又派出警員戒備，加上村民克制及當事人了解民情，過程令人安心喎。
林偉強自己都被揭發喺坪洲霸佔官地多年，但忽然得地政總署「鬆手」批出短期租約將霸地合法化，依家甩身後就撐政府執法，令人覺得佢講緊風涼話囉！
