十八鄉鄉事委員會主席梁福元尋日朝早喺大班人簇擁下，再度現身佢有份經營嘅元朗大棠荔枝山莊，事關地政總署人員本來打算尋日入莊清拆僭建物，點知就畀幾十名村民及員工阻擋，梁福元一邊話會勸喻村民冷靜，但一邊又話自己都控制唔到村民咁多，對於政府話佢違規，梁主席就更加反擊話地政總署拆完又拆，係「得寸進尺，欺人太甚。」混亂之中，都唔知佢講緊邊個添。
