立法會喺上個禮拜通宵審議議席出缺安排嘅千幾項修正案，主席曾鈺成決定「剪布」時間前搞咗個閉門會議，泛民主派議員之後炮轟曾鈺成專橫獨裁。工黨主席李卓人話，曾鈺成當時講明淨係畀班議員辯論多三個鐘頭，但泛民當時無出聲表達意見。李卓人仲話，雖然佢哋無表明反對，但唔代表佢哋同意曾鈺成嘅做法。唔出聲唔代表同意，唔通唔出聲又可以代表唔同意咩？議員之間咁難溝通，可能都係怪大家已經太攰太眼瞓喇。
