政情：投標私院 陳智思想唔玩

唔通佢取行會而捨私院？點知Bernard就話，候任行政長官梁振英從來無搵過佢傾入行會，亦無梁營人士接觸過佢，只係梁振英喺當選前曾經問過佢有無興趣做公職。Bernard就向我哋講，幾時都有興趣做公職，就算投唔投地起醫院，呢份心都唔會變，訊息都好清楚喇啩。

保安局局長李少光又盛傳會做政務司副司長，佢尋日被問到有關問題時就話，自己已經做咗政府工三十幾年，考慮到自己年紀，現時有需要休息，記者即刻追問佢係咪唔做副司長，點知李少光又大賣關子，對於大家最關心嘅問題，佢無答。