政情：劉健儀藥都唔食險中風

血壓飆升要入院

立法會主席曾鈺成、「西鐵男」王國興都喺「拉布」事件出晒位，佢哋都會喺港島出選。有意由功能界別轉戰港島嘅自由黨主席劉健儀今次竟然走上最前線，同自由黨青年團班友仔絕食三十小時。後來劉健儀面青唇白，搞到要入醫院，仲話血壓嘅下壓去到百一度，幾乎中風。有人譏諷話佢扮嘢，質詢佢有無咁誇張。

劉健儀做嘢一向好認真，聽見有人話佢扮嘢，當然好唔開心。查實劉健儀係絕食絕到無食藥，連血壓藥都唔食，血壓當然飆升。值唔值得咁做，就見仁見智。今次博出位係賺定係蝕，到九月就會知。