壞車無公布 遊客失望抱怨
【本報訊】山頂纜車周日故障，大批遊客失望而回。與女兒及一對年幼孫女專程來乘搭纜車的黃老太指，她們抵達花園道纜車總站，才知道發生故障停駛，十分不滿，「早啲講吖嘛，等我仲特登由觀塘坐巴士嚟，真係麻煩！」
另外，郭先生與姓陳女友表示，「梗係失望啦，一心想嚟搭吓纜車o架嘛！」而來自深圳的女生Yuki則表示，「感到極度失望！」
趁假日隨祖母到港島遊覽的姓劉小朋友稱：「去過動植物公園之後，到花園道纜車總站想搭纜車去山頂，點知纜車故障，因為未搭過，諗住等一陣可以冇事，但係等咗成半個鐘，最後都係搭巴士上山，下晝走嗰陣，諗住可以搭纜車落山，但係仲未整好，一樣要搭巴士！」
周日故障超掃興
港男余先生昨專程帶台灣女友來搭山頂纜車，他指出「我以前就搭得多，但係女朋友就未搭過！」詎料遇上因故障服務暫停，大感掃興。