福榮街缺車位 鐵騎逼爆
深水埗區電單車位「逼爆」，駕駛者被迫違泊！周小姐途經福榮街時，發現因電單車位僧多粥少，以致有駕駛者將電單車泊出界外「博一博」，「其實側邊仲有啲空位，點解運輸署唔用埋佢嚟整多幾個泊位？」
運輸署發言人表示，接獲轉介後已檢視上址泊位，同意該處尚有空間可增加電單車泊位數量。該署會就增加泊位進行地區諮詢，若諮詢結果滿意，會盡快落實有關建議。
「有資源就應該要善加運用，唔好嘥咗啲位，又可以解決車位不足嘅問題，一舉兩得啦！」周小姐希望運輸署盡快落實增設電單車泊位，紓緩泊位供求緊張的問題。