詩人北島說：那時我們有夢，關於未來、關於愛情、關於環遊世界。如今我們深夜飲酒，杯子碰到一起，都是夢破碎的聲音。
老朽忽然感到情緒低落，並非如陳振聰之真係好窮，整副身家就只剩下七億幾！又非唔抵得啲高官一加薪就係每月幾十萬！呢個世界，人比人幾時都比死人！老朽雖一把年紀，夢碎，卻不至於夢死，身邊如有個閒錢，想出本文集，書名就叫《攜夢怒飛》。
老朽見詩人之感慨，夜上百度搜索，見「腐敗」一詞是當今中國使用頻率最高的詞匯之一，有關腐敗的新聞就有近百萬條，腐敗種類五花八門，如官員腐敗、公司腐敗、政治腐敗、教育腐敗、司法腐敗、足球腐敗……不過，有一項「語言腐敗」，大家可能較少聽聞。
所謂「語言腐敗」，要言之，就係隨意改變詞匯嘅含意，甚至賦予它們與原來的意思完全不同的含意。嗱！最現成嘅例子就係禿鷹曾偉雄嘅「黑影論」，被揭發證實錯誤仍死撐「言論講咗就講咗，所謂收番係不切實際」，老朽已為文炳咗佢一大鑊，不贅。禿鷹曾偉雄的死不悔改，其「語言腐敗」破壞了語言交流功能，教壞細路，導致人類智力嘅退化。
身為執法先鋒的禿鷹曾偉雄，加速一個文明城市嘅死亡。人類道德的底線是誠實，語言腐敗本質上是不誠實。就人類本性而言，說假話比幹壞事在道德上更具挑戰性。禿鷹曾偉雄，知錯不改，罪大惡極！下台吧！