探射燈：暑假搵快錢毀一世前途
臨近暑假，不少年輕人愛打暑期工，以吸取工作經驗。惟有社工指出，部分人會因為尋常工種薪酬太低，故選擇「走偏門」賺快錢，最後惹禍上身。
「暑假期間，社工去差館嘅次數都多咗！」資深社工陳鑑銘表示，每逢假期，青少年時間較多，誤入歧途機會亦大增，「唔只馬伕，賣私煙，甚至販毒嘅個案都會多咗，外展社工好多時要去保釋佢哋。」他稱，現時不少馬伕性工作者均是集團式營運，而為免下屬「爆響口」，在招攬新馬伕時，主事人會以「搵熟人、一個帶一個」為原則。
陳續指，部分年輕人對收入低暑期工不感與趣，故選擇「搵快錢」，卻不知一旦被發現，隨時禍延終生。惟他坦言，由於相關人士每每晝伏夜出，社工要介入有一定難度。
另理工大學應用社會科學系助理教授何潔雲表示，現時年輕人「搵快錢」的心態漸見普遍，她認為要改善情況，可從改善家庭關係着手。