中環出更：蔡加讚「錶」奇立異拓市場
拜個人遊所賜，銅鑼灣街頭嘅高檔手錶舖愈開愈多，如何喺激烈競爭中脫穎而出，就真係費煞思量。喜運佳主席蔡加讚（Karson）打算賣高價貨之餘亦為顧客帶來高品味，希望藉此吸納多啲高質素嘅客人咁話。
眾所周知，奢華消費未必等於高尚雅致。本身都係手錶愛好者嘅蔡加讚眼見內地豪客為自己盤生意帶來唔少進帳，認為有必要提升服務質素，佢要求職員好似度身訂造咁向顧客畀意見，客人買到啱自己風格嘅手錶，就好滿意咁離開，下次會再返嚟幫襯啦。
展全球獨一球形陀飛輪
為咗迎接新店嘅誕生，Karson搞咗個價值億元嘅錶展，仲向某知名錶廠借出全球只得一枚嘅球形陀飛輪手錶畀同好一開眼界。而Karson仲準備咗名下嘅林寶堅尼跑車，用嚟招呼新張期間嚟幫襯嘅顧客。至於即將來臨嘅母親節，Karson話需要去美國出差而未能與媽咪共度。但係Karson做生意咁醒目，佢嘅雙親都應該滿懷安慰喇。
卓妮