五十六歲的大力Sir原名吳堯泰，小朋友都暱稱他做「大力」。他○四年起當義工，擔任少年成長計劃導師，但他指與小朋友為「朋輩關係」，坦言幫人教仔有壓力，但做朋友就無問題。雖然大力Sir現為退休人士，但仍活力十足，陪小朋友打羽毛球、游水、打機，惟他與小朋友初相識就會約法三章：「不可失約，失約三次關係結束；約會前一晚十點前要打電話畀我，講多一次要帶乜嘢，要有責任心，作出承諾就唔准放棄。」一頭銀髮加上凌厲眼神，很有說服力。

打機想過關 學習變通

「要佢哋打電話畀我，畀啲嘢佢做，叫佢主動做，要佢明白責任感。」他認為即使是玩樂也可以讓小朋友學習，例如打機可以學習時間掌握，避免過分沉迷；有時打機未能過關，他會提醒小朋友：「係咪方法錯？錯就要調節。」面對生活其他困難，亦要懂得變通。

大力Sir認為以規條教導，可培養小朋友責任感和自律。	大力Sir自言也喜歡打機，但教導小朋友要好好掌握時間運用。	雖然大力Sir現為退休人士，但仍活力十足，從玩樂中教小朋友守時、守諾言。

不過，有時小朋友會反過來做導師。如十二歲的Bill喜歡溜冰，不擅溜冰的大力Sir投其所好，震震吓相陪，Bill反過來安慰他：「大力唔使驚！」大力Sir表示，要發掘每個小朋友的長處，在友誼中建立互信，以紀律培養責任感，有進步就要讚，遇困難就要支持。難怪Bill說：「我畀大力滿分！」

亦師亦友的教導方法，源於大力Sir的親身經歷。七三年警察少年訓練學校成立，十六歲的他考入成為首屆學員，深受已故舍監、反黑專家葉包福的影響。

他指葉在眾人面前非常嚴肅，私下卻很關心學員，不時細心慰問：「你頭先點呀？」在葉的循循善誘下，不少少警都茁壯成長，致大力Sir亦希望以少警學到的一套協助青少年。少警於九○年結束，明年踏入四十年，本月廿二日起，位於半山甘道的警察博物館將舉行少警圖片展覽，明年會有紀念晚宴及出版紀念校刊。

圖：甘偉倫 ／文：鄺淑儀

提名熱線:3600 9999

Fax:3600 9900

E-mail:like@on.cc