居於屯門大興邨興平樓的張先生指出，單位廚房地渠早前淤塞，知會房屋署後雖有職員檢查，但僅作簡單通渠，事後一直未有再作跟進。至近日淤塞問題又再度出現，令張與家人深受困擾，「（房屋署）淨係用個泵泵下就算，咩都唔理，依家我要拆咗條去水渠先冇咁塞，搞到晚晚煮飯洗碗啲水直入直出，惹到成個廚房都係蚊蟲，好煩！」
房署發言人指出，首次接獲個案後三日內已完成通渠工作；近日再次接獲住戶投訴，承辦商始懷疑與下層及毗連單位廁所去水渠隔氣有障礙物有關，曾相約下層相關住戶入屋維修，由於該戶曾兩度失約，直至房署發出書面警告後始配合工程，有關通渠工作現已完成。
「第一次維修又唔拆渠檢查，拖到第二次先話聯絡樓下，整條渠都搞咁耐，都唔知係咪做嘢嘅！」張先生指地渠淤塞情況現時雖已改善，但對房署跟進態度仍深表不滿，要求改善。