盛傳七一後出任副財政司司長嘅會計界立法會議員陳茂波，尋日引用候任特首梁振英嘅競選口號「齊心」，呼籲佢班立法會同事唔好再玩拉布，認真審議出缺安排草案，以免影響到新政府架構重組。梗係喇，如果架構重組方案無法喺七一前落實，陳茂波隨時要遲多半年先可以出任新職，而副司長薪酬係立法會議員薪酬嘅五倍，所以點計都希望新架構快啲通過啦！
