【本報訊】曾蔭權任內對貧窮、房屋及雙非等重大民生議題議而不決，令社會停滯不前。梁振英昨早上電台推銷新政府架構重組時，指香港靠「食老本」已好一段時間，多次警告「香港唔可以再蹉跎歲月」、「拖拖拉拉」、「飛機低過某一個速度會墜落嚟」，呼籲立法會盡快通過新架構，以便盡快改變現時情況。
梁振英在節目中被問到架構重組是否不可再推遲時，他說：「唔改組唔能夠話做唔到，但就係以過去嘅速度、過去嘅效率、過去嘅效果做。」「相當長時間，啲人習慣香港啲嘢係咁慢。有講法話公屋係咪要起七十個月，自己住嘅地方條件好就唔覺，對住劏房等上樓嘅人係好長時間。」
對於本港經濟停滯不前，落後於區內競爭對手新加坡，梁振英再次暗批現屆政府︰「唔好習慣近年做事一定要拖拖拉拉，時間好重要，飛機低過某一個速度會墜落嚟，香港唔可以再蹉跎歲月。」
多名市民致電電台，對本港貧富懸殊及領匯壟斷屋邨市場等問題表達不滿。梁振英回應表示，「土地主宰生活」，本港最窮的人居住在條件最差的環境，他強調香港並非沒土地，只是房屋、規劃等要做好：「現時啲屋邨其實仍有土地可做商場、舖頭，佢哋唔一定要去某啲商場。」
梁振英承認，在物色新班子人選期間，有人以家庭、健康、或擔心現時政治環境為由婉拒，但現時各位置都已有適合人選，希望整個新班子可於七一一同上任，立即開始落實其競選政綱，更好地為市民服務。
梁振英下午出席公開活動後，澄清他早上的言論並非不滿現屆政府，只希望「有權有責的朋友」及立法會議員，可以急市民所急，改善社會經濟發展不前的狀況。