莎士比亞在《哈姆雷特》嘅經典對白：「To be or not to be,that is a question」竟然考驗着貪曾：「To go or not to go,that is a question」不外遊，一生人難得作出一次偉大嘅抉擇和犧牲，人在香港心在日本，總算是留下來演出「無縫交接」這折墮戲，不！折子戲吧！古往今來，每一個行業都有它的職業道德。商有商的道德、妓有妓的道德、盜也有盜的道德、做官有做官的道德……這些道德規範雖然不是法律，然而，誰一旦破壞，誰立刻名譽掃地。
貪曾原已撕破臉皮，貪到入心入肺，呢頭話「謙卑」，嗰頭已完全忘記了是怎麼一回事，貪婪令人失去記性？可能真係。美國有科學家曾通過一項實驗，發現魚的記憶力極差，他們將上鈎的魚放掉，有的魚兩天之中，居然會有十次上鈎的紀錄。老朽懷疑，貪曾的前世，大有可能係一條魚！否則，以其爵位身份之尊，有乜理由雞又啱、菜心又唔拘！連二手跑步機都殺，真係搔晒頭！
明人呂坤於《呻吟語》指出：「只一個貪心，第一可賤可恥。羊馬之於水草，蠅蟻之於積糞，都是這個念頭。是以君子制欲。」制欲兩字，可圈可點，每個人心中都有一隻老虎，就是欲望，跑出來就是「催命鬼」。貪曾臨收工，都未能制止心中的老虎跑出來，現行公務員守則冇佢符，之不過，佢畀市民嘅感覺就係貪到最後一秒，貪污竟如吃飯一樣普通，今日吃過飯嗎？換成「今日貪過嗎」？那是佢嘅悲哀，亦是香港廉潔奉公嘅不幸！