渡海濠情:男友實力夠 交稅永無憂

稅務局長透露有近三成四人交唔起薪俸稅,需要申請暫緩繳交,乜市道咁唔好咩?定係啲人攞晒啲錢去吃喝玩樂,到要交稅時就冇錢呢?真係唔知道!但嚟自極品桑拿嘅冰冰,佢就好識得未雨綢繆,就算冇錢都有大把朋友幫到手。

馬上送到

冰冰話:「我自小就好識得為未來打算,所以單係銀行存摺都有幾本,將啲積蓄放喺唔同嘅銀行裏面,萬一有銀行出事,都唔會一夜間令我一無所有。至於感情方面都一樣,唔會將所有時間心力放喺一個男人身上,一來免得一鋪畀人清袋,二來你愈唔緊嘅男仔,個男仔就會愈緊張你,特別係當佢知道你身邊有大班男仔嘅時候,就會更緊張你,為免有任何失誤,佢哋更會全天候廿四小時,吃喝玩樂全部照顧妥當,所以就算突然冇錢交稅,我只要出句聲就馬上有錢送到。」

努力討好

但成班男友圍住身邊,你唔煩嘅咩?冰冰話:「我永遠唔會安排佢哋一齊見面,但就要佢哋知道有第三者存在,你可能唔知道,有時無形嘅敵人,會畀有形嘅敵人更可怕,所以佢哋就會千方百計咁討好我,免被對方得逞。」啲男仔都鹹濕,佢哋有要求時你又點安排呢?冰冰話:「呢層更加冇問題,佢哋多啲嚟,我咪密啲手囉!有時反而我要求多得滯,令佢哋吃不消添。」真係估唔到冰冰咁厲害,大班男朋友喺身邊都應付得掂,真係服咗佢!

冰冰Profile

年齡:20歲

三圍:34-25-34

興趣:理財

撰文:小德

攝影:阿昌