政情：澳博力撐澳門格蘭披治賽車
一直支持澳門格蘭披治大賽車嘅澳門博彩（澳博），今年再度成為十一月賽車盛事嘅唯一特約贊助商，並冠名贊助其中兩項國際級賽事，包括創立三十周年嘅「澳博」澳門格蘭披治三級方程式大賽，以及連續第十一年冠名贊助嘅FIA世界房車錦標賽—澳門東望洋大賽。
被譽為亞洲最具歷史嘅澳門大賽車，現已發展為世界知名嘅體壇活動。第五十九屆澳門格蘭披治大賽車，將於十一月十五日至十八日舉行，澳博作為澳門土生土長嘅賭牌公司，一直本着「取諸社會，用諸社會」嘅理念，再度成為今屆澳門大賽車嘅最大支持者。
澳博行政總裁蘇樹輝話，公司秉承五十年歷史，好榮幸與澳門政府攜手合作，將澳門旅遊品牌盛事推廣至世界各地。為咗吸引更多旅客到訪澳門，澳博早前參與喺廣州及江門舉行嘅「廣東．澳門周」宣傳活動，當中展示冠軍車手嘅戰車及澳門大賽車博物館嘅珍藏品，深受當地市民歡迎。